ძნელია, როცა ტირილი გინდა,
ძნელია, როცა ტირილს ვერ ბედავ.
ძნელია, როცა სიცილი გინდა
და ამ სიცილის მიზეზს ვერ ხედავ.
ძნელია, როცა შენ გული გტკივა
და რომ ვეღარ გრძნობ ვერავის სითბოს,
ძნელია, როცა ხელებზე გცივა
და ლამაზ თითებს არავინ გითბობს.
ძნელია, როცა თვალები სველი
ვერ იძინებენ, არ წყდება თოვა.
ძნელია, როცა ვიღაცას ელი
და თან იცი, რომ
ის აღარ მოვა…
***
ჩიტებმა ჟივჟივით ცის თაღი მოხაზეს,
ქარმა სიმინდებში თავი ისახელა,
ცას სილა გააწნე გვალვისთვის ლოყაზე,
იტირა… თითებივით დააჩნდა ცისარტყელა.
