ბრიტანელი მომღერალი და სიმღერების ავტორი ჯესი ჯი (ჯესიკა ელისონ კორნიში) 1988 წლის 27 მარტს დაიბადა.
2011 წლის იანვარში ჯესიმ BBC-ის დებიუტანტების სიაში პირველი ადგილი დაიკავა; თებერვალში კი ნომინაციაში „Critic’s Choice" Brit Award-ის ჯილდო მიიღო.
მომღერლის მეორე სინგლი „Price Tag" 2011 წლის თებერვალში UK Singles Chart-ის ლიდერი გახდა. შოუ-ბიზნესში მოღვაწეობა 1999 წელს დაიწყო. მხოლოდ 11 წლის იყო, როდესაც ენდრიუ ლოიდ უებრის მუზიკლში „Whistle Down the Wind" მიიღო მონაწილეობა. 17 წლისამ კონტრაქტი გააფორმა Gut Records-თან.
პირეველი სიმღერა „Big White Room" 17 წლისამ დაწერა. ერთი წლის შემდეგ კონტრაქტი გააფორმა Sony-თან , დროებით ამერიკაში გადასახლდა და დაწერა რამდენიმე კომპოზიცია, რომელიც ჰიტებად იქცა. (მაგ: მაილი საირუსის „Party in the U.S.A."). ამას მოჰყვა კონტრაქტი Universal Records-თან და სადებიუტო ალბომი „Who You Are".
2010 წელს შექმნილი სადებიუტო სინგლი „Do It Like a Dude", რომელიც თავდაპირველად რიანასთვის იწერებოდა, UK Singles Charts-ში 25-ე ადგილზე გავიდა.
მომღერალი არითმიით იტანჯება. მას 18 წლის ასაკში გადატანილი აქვს ინსულტი, რის გამოც არ ეწევა, არ სვავს და უარს ამბობს ნარკოტიკზე.